أسود على أبيض

عدد المساهمات : 3483 تاريخ التسجيل : 07/06/2012

أسود على ابيض صارخ الحسن حسنك
يا متوِّج(ن) ليل(ن) على وجه(ن) اصبحْ

ياجامع الضدين في جنان سجنك
اسعد سجينين(ن) وثالثهن املحْ

انا اذكر الله فاخر الزين رِدنك
الله يفكْك من عيون المشَفَّحْ

يا شادن(ن) م الريم واحلو شدنك
يا حلو شعر(ن) م الهواء ثار يلفحْ

يا لابس المحزم على هضم بطنك
نحيل خصر(ن) عيَّره وافي اكشحْ

يا ناعم(ن) انعم من القطن قطنك
تلعب على موج(ن) لشوفك ترنَّحْ

أظرف خفيف(ن)في الموازين وزنك
تمشي على الماء ما تعلَّمْت تسبحْ

أعذب ربابه هي تناغيم لَحْنِك
تشنّفْ لحونك مسمع(ن) فيك يفرحْ

لويسمع البلبل هوازيج رطنك
غنى كلامك ساري الليل ما امرحْ

هو انت إنس(ن) اوتزاويل جِنِّك
أو انت طيف(ن) في عيوني تَلَمَّحْ

يا خالط(ن) شَهْدِك على ذوب سمنك
في مبسم(ن) ورده على الخد فتَّحْ

يا ليِّن(ن)م الغصن تفخر بْلدْنِك
فوقك من القمري هَزُوج(ن) تِمَرْجَحْ

من هو عصر قلبي على ازهار غصنِك
دمّي على زهورك بالالوان يرشحْ

ما ادري الهواء يهوى مفاتين فَتْنِكْ
والا سحرت الريح وجاتك تَنَفَّحْ

قامت تنفس م الشذايا بوجْنِكْ
جنون(ن) على ريحة ورود (ن) تِفَوَّحْ

باسبابها ميلك يسارك ويَمْنِك
سلام غصن(ن) مع هواء الريح شرْشَحْ

أشنع حروب(ن) ف الميادين هَدْنِكْ
يا مازح مزوح(ن) خفيفاتها ارْزَحْ

تمْطِر حصى(ن) من رايح المزن مزنك
بروقك رماح(ن) في السراجيف تَرْمَحْ

شفت الصحاري تايهات(ن) بمدنك
في فيّ ظلك واسع البيد تمرح

يا مخلّي(ن)تحت المحيطات سفنك
بحرك على غارق سفينتك يطفح

ما شفت انا من واسن العين وسنك
غضيض طرف ومرمش العين يجرح

ارهف اصم من المساميع اذنك
ابكم وهرجك م التفاصيح افصح

اشوف صمتك ف المناجاة حصنك
اغلطت صحَّي وغالطك يالحلا صح

خليت قلبي من لوايعك يَضْنِكْ
وخد(ن) من هتون المدامع تِقَرَّحْ

رميت انا باكي القوافي بحضْنِكْ
شفهن وناظر بالقوافي تِصَفَّحْ

خذهن ترا هن من مواليد حزنك
أجداث قاف(ن) باحمر الدم تنضحْ

وما ظنتي تكرم بيوتي بصحْنِكْ
يا اكرم بخيل(ن) كرمتك وافي الشَّحْ.

عدد المساهمات : 3483 تاريخ التسجيل : 07/06/2012

كل الشكر والتقدير لمرورك الكريم

بارك الله فيك

موضوع جميل لك اجمل تحيه

عدد المساهمات : 3483 تاريخ التسجيل : 07/06/2012

كل الشكر والتقدير لمرورك الكريم

بارك الله فيك