عبدالله ..

السلام عليكم






اشيل إلي هماً من ايام بسكات



محدا ًمن العالم درا او فطن لي



اشيل في صدري من الفقد آهات



لو اتظاهر قدمكم بالتسلي



اصد وحدي. واقضي الليل ونات



احط مع بعض الهواجس واشلي



ما طاب لي خاطر ولاطاب مشهاة



بعد الذي شين الخبر مرسل لي



يقول عبدالله رحل عنك قد مات



فجراً قبل يعلن نداه المصلي



قدام عيد الحج يعلن بساعات



من قوها الفجعه وقعت بمحلي



محداً درا من ربعنا غير بالذات



انا ولا ادري ويش اسوي واحلي



الفاجعه جتني كبر ضلع ابانات



خايف على امه فجعة ً ثم تولي



مصيبة عظمى على الكبد مكواة



فجراً دموع العين منها تهلي



مرحوم عبدالله رفيق المروات



راع البريره والوفا مخلصً لي



ياكثر ما جونا عشانك قرابات



كلاً بموقف طيب عنك نقل لي



جيران واصحاب ً فونا جماعات



يبكون عبدالله عسى له تحلي



جنات ربً رافعً للسموات



ربي على عرشه عظيم متعلي



من بعد عبد الله انا عفت الابيات



حتى الزمن لو هو ضحك لي مملي


رحمك الله يابن العم