جحاا مشرف عام
عدد المساهمات : 1025 تاريخ التسجيل : 08/06/2012 العمر : 44 مفرفش
| موضوع: زعل لمدة ١٥ سنه بسبب....!!! الجمعة نوفمبر 16, 2012 11:18 pm | |
| زعل لمدة 15 سنة بسبب .... ؟
قصة زعل حلوه السلام عليكم ... لكل الاعضاء ... هذي قصه قريتها في احد المنتديات وحبيت ارويها لكم والقصه باللهجه الكويتية
قبل مده طويله وبالتحديد فى الصف الاول الثانوي صارت لى سالفه وحبيت اشارككم فى قصتى وان شاء الله الكل يستفيد ويتعلم منها ....
طبعا قبل لاابدأ .. أنا اعترف انى غلطان ....
كنت احد اكثر الطلاب مشاغبه فى المدرسه وكنت مشهور بالمقالب سواء على المدرسين او الطلاب ... ومايمر يوم الا وانا مسوى مقلب فى احد ....
ويوم من الايام كان علينا حصه تربيه بدنيه .. ويوم انتهت الحصه وردينا للفصل رحت بايلس على الكرسي وقام خويي محمد وسحب الكرسي من تحتى من غير لاانتبه وطحت .. وكانت طيحتى قويه وزين ماتعورت ... جان يفطسون الفصل كلهم من الضحك على الموقف ..
بصراحه زعلت ...
ماادرى هل هو من الحركه ,,, او يمكن من ضحكه الناس على !!؟؟ وغالبا من ضحكه الناس ..
وقلت لمحمد لايكلمنى ولا اكلمه ..
طبعا باقولكم شئ ..
محمد هذا ولد جيرانا قبل لايكون رفيجى فى الكلاس ..
وكنت يوم العيد اروح اسلم على يدته قبل لاسلم على امى وابوى .. كانت يدته الله يرحمها طيبه وااايد وكانت تعطينا بيزات اللى تحطها فى شيلتها الصفراء ....
استمر الزعل ... وكل يوم يطوف يزيد الزعل ..
تخرجنا من الثانوي وبعدنا متزاعلين ...
رحت الجامعه ,, وهو توظف بشركه وبعدنا متزاعلين ...
تخرجت من الجامعه وبعدنا متزاعلين ..
تزوجنا وبعدنا متزاعلين !!!!
ويوم من الايام .. كنت رايح اتعشى .. ووقفت عند مطعم ... وطلبت شاروما دياي ..
وكان محمد واقف بعيد وانا لاحظته بس ماتكلمت وياه .. وهو ماانتبهت انى مويود !
ويوم التفت وشافنى ... قرب صوبي .. وابتسم .. وقال :
صحيح انك قاسي يابو حمد ,,, بعدك زعلان على من الثانوي عشان الكرسي !!! وضمنى وضميته وصدقونى انى مسكت دموعي لاتنزل .. واستغربو الحاضرين من الموقف .
كان موقف رهيب .. وعرفت ان ماعندي سالفه .. وان بعض الزعل اذا تركته مع الوقت بيزيد ..
وطلع محمد افضل منى ... واخذ الاجر ....
قال لى محمد ,,, يااخى انت ماتنسى ... قلت له كنت انتظر منك اعتذار ,,, قال يااخوي انا اعتذرت بنفس اليوم بس انت ماقبلت اعتذاري .. وحبيت على راسه وحب على راسي ... وجلست اسولف وياه واخذ علومه حق 15 سنه طافو؟؟؟؟؟؟؟؟
واتمنى ان كل انسان متزاعل مع احد لسبب تافهه او لاى سبب ... يبارد فى السلام والاعتذار ولا يتأخر .. وترى الدنيا ماتسوى الزعل ... وصدقونى لا قدر الله لو توفيت او توفى محمد وبعدنا ماتصالحنا .. جان العايش منا بيظل ندماااان طول عمره
| |
|
الحبابه
عدد المساهمات : 373 تاريخ التسجيل : 10/11/2012 العمر : 38 رايق
| موضوع: رد: زعل لمدة ١٥ سنه بسبب....!!! الأربعاء نوفمبر 21, 2012 2:09 pm | |
| | |
|
ENES♥_♥ IRAQ
عدد المساهمات : 3483 تاريخ التسجيل : 07/06/2012
| موضوع: رد: زعل لمدة ١٥ سنه بسبب....!!! الجمعة نوفمبر 23, 2012 10:53 pm | |
| | |
|
جحاا مشرف عام
عدد المساهمات : 1025 تاريخ التسجيل : 08/06/2012 العمر : 44 مفرفش
| موضوع: رد: زعل لمدة ١٥ سنه بسبب....!!! السبت نوفمبر 24, 2012 12:23 am | |
| | |
|
ضايع في زمن النسيان
عدد المساهمات : 131 تاريخ التسجيل : 14/10/2012 العمر : 38 وناسة
| |
جحاا مشرف عام
عدد المساهمات : 1025 تاريخ التسجيل : 08/06/2012 العمر : 44 مفرفش
| موضوع: رد: زعل لمدة ١٥ سنه بسبب....!!! الأحد ديسمبر 09, 2012 4:43 pm | |
| [center]ثكرا ثكرا ابن عمي نورت [/center] | |
|
6lo3_eshams
عدد المساهمات : 1522 تاريخ التسجيل : 13/12/2012 العمر : 42 كلش هادي
| موضوع: رد: زعل لمدة ١٥ سنه بسبب....!!! الخميس ديسمبر 27, 2012 9:04 pm | |
| | |
|
جحاا مشرف عام
عدد المساهمات : 1025 تاريخ التسجيل : 08/06/2012 العمر : 44 مفرفش
| موضوع: رد: زعل لمدة ١٥ سنه بسبب....!!! الجمعة ديسمبر 28, 2012 1:14 pm | |
| | |
|
الخالصي
عدد المساهمات : 164 تاريخ التسجيل : 07/06/2012 العمر : 44
| موضوع: رد: زعل لمدة ١٥ سنه بسبب....!!! الجمعة ديسمبر 28, 2012 2:28 pm | |
| الله يعطيكـِ العافيه يارب خالص مودتى لكـِ
وتقبل ودي واحترامي | |
|
جحاا مشرف عام
عدد المساهمات : 1025 تاريخ التسجيل : 08/06/2012 العمر : 44 مفرفش
| موضوع: رد: زعل لمدة ١٥ سنه بسبب....!!! الجمعة ديسمبر 28, 2012 3:45 pm | |
| | |
|