الشمعة والشاعر

يا شمعتينن عرّضوها غثا الليل
سمارها تضحك وهي تلفظ انفاس

من حولها يسعد ومن حظها الويل
والنار له عرشن على هامة الراس

في ماتم الشمعه تزيد التعاليل
هي تحتضر والناس ما همها الباس

صهير من راس المشاكي مهاميل
تهدي االامل والناس تهدي له الياس

يا شبه شاعر يطبخ القاف والقيل
حروفه على سطره كما لامع ألماس

يذوب لا من صار بدع التماثيل
سطورن تدفق في مصاريعها احساس

عنده لصعبات التماثيل تذليل
تقدر تحط القاف في صافي الكاس

شفاف من قلبي شراب الشهاليل
يسقى لورده غصنها راح ميّاس

يا شبه وصفه للذي به مغاليل
اللي ضميره من قسا الوقت منحاس

حتى ظلام الليل يحلى به الشيل
وترقص نجوم الليل مع لاعب الداس